Det landet du gav oss

Vegen til kyrkje går langs velstelte gardar og vakre kulturlandskap som fortel om berekraftige levemåtar i generasjonar. Landslova knesette berekrafta og likeverdet som rettsprinsipp lenge før slike ord fanst:

«Alt vatn skal renne slik det har runne frå gammalt av, ingen skal veite det frå eller til annan manns bø, om det ikkje sjølv bryt seg veg.»

Vatnet renn og tida går. Vegen til kyrkje er også ein veg gjennom tida. Når du går over kyrkjetrappa denne laurdagen opnar tida seg for deg.

Medverkande i kyrkjekonserten på Ålhus er Henning Sommerro, Kim Rysstad, Synnøve Bjørset, Kyrre Eikås Ottersen og Førde kyrkjekor.